इटहरी,२४फागुन
सत्तारूढ नेकपा निकट अनेरास्ववियूले तत्कालीन अनेरास्ववियू (क्रान्तिकारी) का उपाध्यक्ष वेनोज अधिकारीको स्मरणमा उहाँलाई हत्या गरिएको स्थलमा गएर १८ औं स्मृति दिवस मनाएको छ।
वि.स.२०५८ फागुन २४ गते अनेरास्ववियू (क्रान्तिकारी) का तत्कालीन उपाध्यक्ष वेनोज अधिकारीलाई सुरक्षा फौजले मोरङ जिल्लाको खोर्सानेमा लगेर मुठभेडको नाममा हत्या गरेको थियोे । अधिकारीलाई फागुन २२ गते विराटनगरवाट नियन्त्रणमा लिएको २ दिनपछि हत्या गरेको थियोे ।
मोरङ जिल्ला सुन्दरहरैचा नगरपालिकाको खोर्साने वजारको उत्तरमा रहेको बाघझोडा जंगलमा आज आयोजित श्रद्धाञ्जली सभामा वोल्दै अनेरास्ववियू नेता सुरेन्द्र बस्नेतले उक्त स्थानमा वेनोज स्मृति पार्क र सहिद प्रतिमा वनाउने घोषणा गरे । हाल अनेरास्ववियू नेता बस्नेतले वेनोजहरुको वलिदान विना मुलुकमा गणतन्त्र सहितको परिवर्तन सम्भव नहुने दावी गरे ।
कार्यक्रममा अनेरास्ववियूका नेताहरु मदन भट्टराई , भाष्कर खनाल , डम्वर अधिकारी , खगेन्द्र सुवेदी , जिशस न्यौपाने , ताजिम अन्सारी, सन्तोष घिमिरे , टेकेन क्षेत्री,मिलन बस्नेत सुकुना क्याम्पसका स्वबियु सभापति संतोष लिम्बु लगायतको उपस्थिति रहेको थियो ।
_1739267551.png)
