विराटचोक,१२ असोज । नेकपा एमालेको भातृ संगठन अखिल नेपाल महिला संघ सुन्दरहरैँचा नगर कमिटीको बैठक सम्पन्न भएको छ । बुधबार विराटचोकको जेसिज भवनमा दोश्रो पूर्ण बैठक बसेको हो ।
बैठकले नगर स्तरीय १ हजार १ सदस्यीय निर्वाचन परिचालन कमिटी निर्माण गर्ने निर्णय गरिएको नगर कमिटीकी अध्यक्ष कविता शर्माले जानकारी दिईन ।
बैठकमा अनेमसंघ केन्द्रिय सचिवालय सदस्य इन्दिरा फुयल ढकालको प्रमुख आतिथ्यता रहेको थियो भने अनेमसंघ केन्द्रिय सदस्य धनादेवी तामाङ,सुन्दरहरैँचा नगर उपप्रमुख अकली चौधरी,अनेमसंघ मोरङ जिल्ला कमिटी सदस्यहरु हेमकुमारी बिक,रिता सापकोटा ,सितादेवी अधिकारी लगायतको आतिथ्यता रहेको थियो ।
नगर कमिटीकी अध्यक्ष कविता शर्माको अध्यक्षतामा बसेको बैठक सचिव गोमा कटवाल देउजाले संचालन गरेकी थिईन ।
