काठमाडौँ,२५ साउन । काँग्रेस सांसद डा. सुनील शर्माको सचिवालयले सुन तस्करीको विषयमा गृहमन्त्री र अर्थमन्त्रीको राजीनामा मागेको प्रतिशोधमा पक्राउ गरिएको आरोप लगाएको छ ।
आज साँझ प्रेस विज्ञप्ति जारी गर्दै प्रतिशोध साँध्न राज्यसत्ताको दुरुपयोग गरी उनलाई पक्राउ गरिएको भन्दै शर्माको सचिवालयले आपत्ति जनाएको हो ।
सांसद शर्माको स्वकिय सचिव विवेक लिम्बूद्वारा हस्ताक्षरित विज्ञप्तिमा भनिएको छ, ‘सुन तस्करीको विषयलाई लिएर संघीय सदनमा अर्थमन्त्री र गृहमन्त्रीको राजीनामा माग गरेको कारण संसद्को अधिवेशन चालु रहेको अवस्थामा बहालवाला सांसदलाई सभामुखको बिना अनुमति र पक्राउ पुर्जीसमेत जारी नगरी सीआईबीले क्रूरतापूर्वक पक्राउ गरेको कुरा आम जनसमुदायमा जानकारी गराउँदछौँ।’
यस्तो छ सांसद शर्माको सचिवालयले जारी गरेको प्रेस विज्ञप्ति :
