बिराटचोक,२२ फागुन । नेकपा एमालेका युवा नेता रामप्रसाद रिजालले देशव्यापी रुपमा एमालेमा प्रवेश गर्ने को लहरले आगमी चुनाव बाट ओलीको नेतृत्व मा एमालेले शानदार बहुमत ल्याएर ओली प्रधानमंत्री हुने निश्चित भएको बताए ।

प्रचण्ड र माधव नेपालको पार्टी लोप हुने समेत नेता रिजालले ठोकुवा गरे । अनलाइन सगरमाथासंगको कुराकानीमा उनले माओवादी केन्द्र र नेकपा एकिकृत समाजवादीका नेता कार्यकर्ताहरु सबै जसो चैत भित्रमा एमालेमा प्रवेश गरिसक्ने बताए । नेपाली कांग्रेस पार्टी पनि आउने चुनाव पछी निक्कै कमजोर प्रतिपक्ष हुने नेता रिजालको भनाई छ ।

मुलुकको सार्वभौमसत्ता स्वतन्त्रता स्वाभिमान अखण्डता राष्ट्रीयता जस्ता राष्ट्रका महत्वपूर्ण तत्वहरू वा अंगहरुको रक्षा नेकपा एमाले र एमालेकै अध्यक्ष राजनेता केपी शर्मा ओलीले मात्र गर्न सक्ने उनले बताए । हाम्रो देशको भूमि विदेशी लाई प्रयोग गर्न बाट रोक्नुहोस भन्दै हार्दिक अपील गर्दछु राष्ट्रकै अभिभावक केपी बा लाई आग्रह समेत गरे ।

नेता रिजालले ठोकुवा गर्दै भने 'लेखेर राख्नुहोस केपी बा बाहेक अहिले सम्म नेपाल र नेपालीको अस्तित्व बचाउने अरू नेता जन्मेकै छैन :।