काठमाडौं,२६ मंसिर । मध्यपहाडी लोकमार्ग केन्द्रित विशेष अभियानमा रहेकाे नेकपा एमालेकाे टाेली काेशी प्रदेश प्रवेश गरेकाे छ।
‘झुलाघाट-चिवाभञ्ज्याङ समृद्धिका लागि संकल्प यात्रा’ अभियानकाे १३औं दिन पार्टी अध्यक्ष केपी शर्मा ओली नेतृत्वकाे एमालेकाे टाेली मध्यपहाडी लाेकमार्गकाे बहादुरे खाेला हुँदै मंगलबार दिउँसाे काेशी प्रदेश प्रवेश गरेकाे हाे।
रामेछापको मन्थलीबाट बिहान हिँडेको अध्यक्ष ओली नेतृत्वको टोली सिन्धुलीको विभिन्न ठाउँमा भेटघाट, सभा गर्दै केहीबेरअघि कोशी प्रवेश गरेको हो।
एमालेको टोली काेशी प्रदेश उदयपुरको घुर्मी आइपुगेको छ । घुर्मीमा एमाले अध्यक्ष केपी शर्मा ओलीसहितका नेताहरुलाई पार्टी कार्यकर्ता र स्थानीयले स्वागत गरे ।
अध्यक्ष ओलीसहितका नेताहरुलाई स्वागत गर्न उदयपुर, ओखलढुंगा, सोलुखुम्बु र खोटाङबाट कार्यकर्ता पुगेका थिए । घुर्मीबाट ओली ओखलढुंगाको हर्कपुरमा मंगलबार हुने सभामा सहभागी भएर खोटाङको हलेसी जाने कार्यक्रम छ ।
