काठमाडौं - नेकपा एकीकृत समाजवादी नवलपुरका जिल्ला अध्यक्ष तथा प्रदेश सचिवालय सदस्य झबिलाल रानासहितका नेताहरु नेकपा एमालेमा प्रवेश गरेका छन ।
एमाले जिल्ला पार्टी कार्यालय कावासाेतीमा मंगलबार आयाेजित एक कार्यक्रमबीच अध्यक्ष रानासहित एकीकृत समावादीका अन्य नेता र माओवादी केन्द्रका नेताहरु एमाले प्रवेश गरेका हुन् ।
कार्यक्रममा अध्यक्ष रानासहित एकीकृत समाजवादी नवलपुरका उपाध्यक्ष एवं युवा संघ इञ्जार्ज नारायण पाण्डे, उपसचिवद्वय हुमकान्त पराजुली र गाेबिन्द सुनारसहित हुप्सेकाेट पालिकाकाे सिंगाे कमिटी एमाले प्रवेश गरेकाे हाे ।
नेकपा माओावादी कावासोती-१३ का अध्यक्ष जितेन्द्र सापकोटा लगायत पनि एमाले प्रवेश गरेको एमाले प्रचार विभाग नवलपुरले जनाएकाे छ ।उनीहरु सबैलाई एमाले उपमहासचिव पृथ्वीसुब्बा गुरुङ लगायतले पार्टीमा स्वागत गरेका थिए ।
