काठमाडौं — कलाकार तथा राष्ट्रिय स्वतन्त्र पार्टी (रास्वपा) का केन्द्रीय सदस्य हिमेश पन्तले पत्रकार किशोर श्रेष्ठविरुद्ध नेपाल प्रहरीको साइबर ब्युरोमा उजुरी दिएका छन्।
शुक्रबार भोटाहिटीस्थित साइबर ब्युरोमा पुगेर पन्तले आफ्नो चरित्रहत्या हुने गरी भ्रामक सामग्री प्रकाशित गरेको आरोप लगाउँदै श्रेष्ठमाथि कानुनी कारबाहीको माग गरेका हुन्।
उजुरीमा उल्लेख भएअनुसार, २०८३ असोज २९ गते अनलाइन सञ्चारमाध्यम जनआस्था र त्यसका सम्पादक श्रेष्ठको आधिकारिक फेसबुक प्रोफाइलबाट आफ्नो प्रतिष्ठामा आँच पुर्याउने सामग्री सार्वजनिक गरिएको पन्तको आरोप छ।
_1790091518.gif)
_1790090749.png)
‘कलाकार हिमेश, अरुको जग्गा हडप्नले कस्तो कानुन सिकाउने ?’ शीर्षकमा प्रकाशित सामग्री कपोलकल्पित, भ्रामक र बदनियतपूर्ण रहेको पन्तले उजुरीमा दाबी गरेका छन्।
विद्युतीय माध्यमबाट आफ्नो व्यक्तिगत चरित्रहत्या गरिएको, व्यावसायिक निष्ठामा आघात पुर्याइएको तथा राजनीतिक छविमा क्षति पुर्याउने प्रयास भएको भन्दै उनले आवश्यक कानुनी कारबाहीको माग गरेका छन्।
पन्तले उजुरीसँगै सामग्रीका स्क्रिनसट र आफ्नो नागरिकताको प्रतिलिपिसमेत प्रमाणका रूपमा साइबर ब्युरोमा पेस गरेका छन्।
यस प्रकरणमा साइबर ब्युरोले के प्रक्रिया अघि बढाएको छ भन्नेबारे भने उपलब्ध विवरणमा उल्लेख छैन।
_1748709835.png)
