काठमाडौं,१४ जेठ ।  राष्ट्रियसभा सदस्यमा निर्वाचित डा. खिमलाल देवकोटाले आज शपथ ग्रहण गर्दैछन् । राष्ट्रिय सभा सदस्य रामबहादुर थापा ‘बादल’ लाई माओवादी केन्द्रले कारबाही गरेपछि रिक्त रहेको वाग्मती प्रदेशको राष्ट्रियसभा सदस्यका लागि यही जेठ ६ गते उपचुनाव भएको थियो ।

रिक्त रहेको ठाउँमा उपचुनावमा नेकपा एमालेले आधिकारिक उम्मेदवार थापालाई नै बनाएको थियो । तर कलम चिह्न लिएर स्वतन्त्र रुपमा उम्मेदवारी दिएका देवकोटा निर्वाचित भएका हुन् ।

देवकोटालाई माओवादी केन्द्र, नेपाली कांग्रेस, जनता समाजवादी पार्टी र नेकपा एमालेको खनाल–नेपाल समूहका जनप्रतिनिधिहरुले भोट हालेका थिए । दिउँसो १ बजे राष्ट्रिय सभाका अध्यक्ष गणेश तिमिल्सिनाले राष्ट्रिय सभाका सदस्यमा निर्वाचित देवकोटालाई शपथ ग्रहण गराउने कार्यक्रम तय भएको हो ।