संखुवासभा,२९ फागुन । नेकपा एमालेको मिसन ग्रासरुट अभियानलाई संखुवासभा जिल्लाको हिमाली गाउँ भोटखोला गाउँपालिकामा स्थानीय जनताहरुले सास्कृतिक झाकी सहित स्वागत गरेका छन् ।
अरु नेताको अनुहार गाउँमा चुनावको बेला मात्र देख्न पाइने तर नेकपा एमालेका नेता गाउँमा अघिपछि पनि देख्न पाइन्छ भन्दै एमालेका नेताहरुलाई गाउँपालिकाका जनताहरुले खुसी व्यक्त गर्दै स्वागत गर्नुभएको हो ।
मिसन ग्रासरुट अभियानका लागि त्यहाँ पुग्नु भएको पार्टी केन्द्रीय सदस्य पासाङ्ग शेर्पाले छिमेकी राष्ट्र चीनसँगको व्यापारिक नाका केपी ओलीकै सरकारको पालामा खोलिएको स्मरण गर्दै नाका पूर्णरुपमा सञ्चालनको जिम्मा पनि नेकपा एमाले ले नै लिने बताउनुभयो ।
हिमाली जनतालाई सधै माया गर्ने पार्टी अध्यक्ष केपी शर्मा ओली नै रहेको र आफूले काठमाडौँ अध्यक्ष ओलीलाई भेट्दा हिमाली जनताको दुःखसुख र भविष्यको को बारेमा सोध्ने गरेको कुरा नेता शेर्पाले बताउनुभयो ।
किमाथाङ्का थुदाप लगायतका दुर्गम हिमाली गाउँका जनताको लागि खाद्यन्न अभाव नहुने गरी व्यवस्थापन गर्न कोशी प्रदेशका मुख्यमन्त्रीलाई अध्यक्ष ओलीले आग्रह गर्नुभएको र प्रदेश सरकारले निकट भविष्यमा ती गाउँका लागि खाद्यान्न पठाउन लागेको कुरा वहाँले बताउनुभयो ।
किमाथाङ्का नाका मार्फत छिमेकी राष्ट्र चीनसँग जोडिएको भोटखोला गाउँपालिकामा फागुन २३ गते देखि सुरु भएको उक्त अभियानलाई स्थानीय जनताहरुले गाउँ गाउँमा पुर्याउने प्रतिबद्धता व्यक्त गर्नुभएको थियो ।
