विराटचोक,११ चैत । नेकपा एमाले सुन्दरहरैंचा नगर कमिटीले पार्टीका नेताकार्यकर्ताहरु लाई जनश्रमदानमा उतारेको छ । नगरपालिकाद्वारा सुन्दरहरैंचा ७ स्थित गछिया खोलामा निर्मांण भईरहेको तटबन्धन निर्माणकार्यमा नगर कमिटीले शनिवार बिहान ७ बजेदेखि जनश्रमदान गराएको हो ।
आठ दिन अघिदेखि निर्माणकार्य सुरु गरिएको उक्त अभियानमा सुन्दरहरैंचा नगर भित्र रहेका एमालेका नेता कार्यकर्ता तथा संगठित सदस्य सहितसयौको संख्याको सहभागिताबाट जनश्रमदान गरिएको नगर कमिटीका अध्यक्ष मातृका प्रसाद ढकालले जानकारी दिए । त्यसैगरी पार्टीका जनबर्गीय संगठनहरु अनेरास्ववियु, युवा संघका नेता कार्यकर्ताहरु लगायत सबैको उपस्थिती रहेको नेता ढकालले बताए ।
नगरमा हुने जनता सँग जोडिएका विभिन्न अभियानलाई भावीदिनहरुमा पनि पार्टीले सहयोग गर्दै जाने कुरा अध्यक्ष ढकालले बताए ।
करिव १ सय पच्चीस मिटर क्षेत्रफलको निर्माणमा भइरहेको तटबन्धन निर्माण कार्यको ८० प्रतिशत काम सम्पन्न भैसकेको नगर प्रमुख केदार प्रसाद गुरागाईंले बताए । अभियानमा सुन्दरहरैचा ९ को सगरमाथा युथ क्लब,विराटचोकमा रहेको स्वाद होटलका परिवार, उधोग बाणिज्य संघ लगायत धेरै संघ संस्थाले खाजाको व्यवस्था सहित जनश्रमदानगरि सहयोग गर्नुभएको भन्दै नगर प्रमुख गुरागाईंले सबैलाई धन्यवाद दिए । अभियानमा सहयोग गर्न विभिन्न संघ संस्था र राजनीतिक दललाई पनि आग्रह गरे । अभियानलाई निरन्तरता दिने पनि नगर प्रमुख गुरागाईंले बताए ।
नगरपालिकाको अभियानबाट निर्माणहुने तटबन्धनबाट गछिया खोलाका किनारमा रहेका सय भन्दा बढि घरपरिवारहरु लाई बाढीको जोखिमबाट राहतहुने देखिन्छ ।
