काठमाडौं,१६ चैत । नेकपा एमालेबाट छुट्टीएर स्थापना भएको पार्टी नेकपा एकीकृत समाजवादी दुई वर्ष नपुग्दै फुटको संघारमा पुगेको छ । नेकपा एसका संस्थापक नेताहरू केदार न्यौपाने र चुडामणि जंगलीले दिएको राजिनामा स्वीकृत भएसंगै पार्टीभित्र असन्तुष्टिको आवाज उठ्न थालेको छ ।
अध्यक्ष माधवकुमार नेपाल र सम्मानित नेता झलनाथ खनाल पछि तेस्रो वरियतामा रहेका मुकुन्द न्यौपानेले पनि नेकपा एस भित्र फरक मत राख्दै आएका छन् । कांग्रेसको सहयोगी भएर वामपन्थी आन्दोलनको हित नहुने भन्दै एमालेसँग सहकार्य गर्न नेताहरुले पार्टीमा प्रस्ताव समेत राखेका छन् ।
राजीनामा दिएका नेता जंगलीले भने असन्तुष्टि जनाएका नेताहरुलाई समेटेर एमालेमा जाने तयारी गरिरहेका छन् । पार्टीले भने मा सामान्य रुपमा लिएको छ । यस्तो ओहरदोहर केही वर्ष चलिरहन्छ एक दुइ वर्ष यस्ता घटनाक्रमहरु घटीरहने नेकपा एसका उपमहासचिव जगन्नाथ खतिवडाले बताउनु भयो |
अनि जसको राजीनामा हामीले स्वीकृत गर्यो उहाँहरुले एमालेमा जान्छु भनेर राजीनामा दिनुभएको होइन केही नीतिगत कुराहरुमा हाम्रो असहमति छन् भनेर राजीनामा दिनुभएको खतिवडाले बताउनु भयो । त्यो नीतिगत विषयमा पुनः छलफल गर्न सकिन्छ पार्टीबाट हटाइएको छैन पदको राजीनामापत्र दिनुभएको मात्र स्वीकार गरिएको खतिवडाको भनाई छ ।
राष्ट्रपति पद लिएर पार्टी एकता गर्ने प्रस्ताव नमानेको भन्दै अध्यक्ष नेपाल प्रति असन्तुष्ट जनाएको विश्लेषण गरिएपनि त्यस्तो नभएको नेकपा एसको दाबी छ ।तर माउ पार्टी एमालेमा समाहित हुन खोज्दा नेताहरुमा पदको स्वार्थ देखिएको विश्लेषण हुन थालेको छ । नेकपा एस राष्ट्रिय पार्टी पनि बन्न नसकेको र थोरै सिट हुँदा बिच्किएका नेताहरु एमालेमा अवसरको खोजी गर्दै गएको राजनीतिक विश्लेषक प्रा.डा.तारा सापकोटाको टिप्पणी छ ।
नेकपा एसमा थोरै सिट भएकै कारण अवसर कम पाउने हुँदा नेताहरुले एमालेमा जान खोजेको पनि विश्लेषकहरूको टिप्पणी छ । पछिल्लो समय विकल्पको रुपमा उदाएका नेताहरु समेत पदिय स्वार्थमा लागेको कारण देशको राजनीति अझै फोहोरी भइरहेको अबस्था छ । त्यसमा पनि जुन पार्टीको विरुद्धमा गठन भएको पाटी यति छोटो समयमा बिचलित हुन खोज्नुले नेताहरुको नैतिक धरातल अझ खस्किएको अवस्था छ ।
